بقلم إيمان حجازي

وفي حبي ليكي ده انا محبتش غيرك 
ظل عمار بعض من الوقت علي تلك الحاله وهو ينظر إليها بكل ما يحمله من مشاعر لها وآخرهم الالم أخذ يتذكر كلام محمد معه حتي شعر بغصه وحزن بداخله فنهض من جوارها وتركها وقبل أن يغادر نظر لها بحسره شديده وبعض الڠضب 
بينما هي اخذت تتململ في فراشها وفتحت عينيها ببطئ وهمست بأسمه وكأنها شعرت بأنه كان هنا 
وصل عمار الي مكتب اللواء نزيه الذي أستقبله بأمتعاض وضيق من تصرفه معه ولكن عمار جلس أمامه مهموما حزينا صامتا يضع يديه علي خده وينظر أمامه وما أن طال الصمت بينهم حتي أشار إليه اللواء نزيه بيديه بانفعال
ما تتكلم يا أبني ! قول عايز تقول ايه مالك 
رفع عمار بصره إليه ونكس رأسه بحرج قليلا 
عايز أشوف محمد !
أبتسم اللواء نزيه بتهكم شديد ورمقه بتعجب
والله ! وانت بقه جاي تستأذنني ولا إيه ما تقوم تروح له قوم روح له أضرب العساكر اللي هناك واټهجم عليهم وكسر الدنيا جاي لي ليه ولا اقولك هو اصلا لسه ف المستشفي قوم اخنقه وخلصنا منه وارتاح وريحنا
هو حضرتك بتهزر 
اومال اسيبك تهزر لوحدك مالك يا عمار ! أنا عمري ما شفتك بالضعف ده ولا بالحاله دي من يوم مۏت اختك وأما قابلت البنت دي وانت متغير كنت مفكر أن مۏت نوران هو اللي مأثر عليك لكن كنت غلطان الحب هو اللي غيرك
البنت دي تبقي مراتي يا فندم !
صاح به في ڠضب شديد 
مراتك تبقي دهر وسند ليك مراتك تدعمك وتثق فيك ولو الدنيا كلها وقفت في وشك هي تقف جنبك وتحارب معاك مراتك متخسركش شغلك وتخليك تضيع كل حاجه مراتك تقويك مش تكون سبب في ضعفك الحب بيقوي يا عمار لكن حبك ليها انت ضعفك ! قولي كده أنت استفدت ايه من يوم ما عرفتها ! بالعكس كل حاجه ماشيه معاك بالنازل لما واحده واحده مش هتلاقي نفسك خالص ده مش عمار اللي انا أعرفه أبدا !! فوق لنفسك يا عمار فوق لنفسك 
زفر عمار في ضيق ونهض فجأه دون التعليق علي أي شئ 
انا ماشي !
وقبل أن يخرج من الغرفه أستوقفه صوت اللواء نزيه بصرامه شديده وحزم 
أستني عندك رايح فين ! خلاص وقت راحتك خلص وقدامك خدمه 48 ساعه متواصله تدريبات للكتيبه وبعدهم تعمل حسابك في مداهمه 
هز عمار رأسه بأستسلام تام وقدم له التحيه العسكريه في انصياغ تام مرددا بهدوء 
حاضر يا فندم !
علي الرغم من ضيقه منه وكذلك حزنه عليه حيث أنه لا يريد رؤيته بتلك الحاله ولكن كان صارما حادا معه 
اتفضل نفذ الأوامر 
خرج عمار من مكتبه وما أن ارتدي الزي العسكري الخاص به وقبل أن يذهب الي كتيبته مره
ثانيه ذهب إلي المشفي لرؤيه محمد مره اخري 
استطاع الدلوف إليه وما أن جلس علي كرسي بجواره وأخذ ينظر له نظرات مطوله حتي ضحك محمد بتهكم وهو يردد بضعف
إيه جاي تقتلني المره دي !
لا يا محمد مش انا اللي ھقتلك ! انا جاي أسألك ليه عملت كده ليه خنت بلدك ! هانت عليك بلدك وأرضك هان عليك خواتك اللي كلنا معاهم عيش وملح وطلعوا معانا وماتوا كلهم إديني سبب واحد يخليك تعمل كده 
أبتسم محمد بتهكم واطال النظر للسقف قليلا قبل أن يردد
انت أنت السبب
انا ليه انا عملت لك إيه ده انا عمري ما كنت وحش مع

حد عمري ما خنت البلد اللي حاربت عشانها عمري ما غدرت بالأرض اللي چراحها معلمه علي كل حته في جسمي ! بعلم اللي بعدي حب البلد والأرض دي وبطلع اي مهمه وانا بكون عامل حسابي اني احتمال مرجعش الكل بيحترمني ويعملي الف حساب والطلبه بتاخدني قدوه ليهم ليه انت شايفني وحش وجواك الكره ده كله ليا ليه تأذيني انا عملت لك إيه
قول معملتش إيه انت قلت اهوه كل حاجه مفيش حد زيك ولا حد واخد المكانه اللي انت فيها دي مع إن أنا اقدر اكون زيك واستاهل اني اكون زيك بس انت اللي واخد كل حاجه واخد حب القاده ليك اللواء نزيه بيعتبرك ابنه عملوك أسطوره وكل سنه ترقيه جديده ليك استثناءات وتصريحات