روايه جميله بقلم سارة

امل وانا عارفة إني مش ممكن أحب غير هيثم ...ليييه كنت مستغلة وخليته حبل نجاة عشان ينقذني من عمي وينقذ أسيل ...بس انا لازم أستغل الفرصة ولو كان في قلبه شوية اعجاب ليا هخلي يكرهني ويطلب هو وقتها الإنفصال...
مرت الأيام وكان يوم حفل الازياء وكمان كتب كتاب عمر وفريده
تم عرض الأزياء وكان ناجح جدا وفريده كانت سعيدة لتحقيق جزء من حلمها وبعد انتهاء الحفل
عمر قرب من فريده إيه يا بلوة حياتي مش هنكتب كتابنا ولا إيه
فريده عايزنا نكتب كتابنا وإنت شايفني بلوة يا سي عمر
عمر احلي بلوة وربنا
فريده هههههه شكلنا مش هنكمل مع بعض
عمر تؤتؤ انا واثق أنه العكس
فريده بصوت منخفض ان مكرهتك فيا يا عمر وندمتك مبقاش فريدة هشام
عمر قولتي إيه
فريده ولا حاجة
عمر تمام بس خلي في بالك إن مفشلت خطتك مبقاش عمر الصياد 
فريده اااااا خططت إيه
عمر لا مفيش يلا امشي مع مي وانا جاي وراكي مع مهاب وسالي
وبالفعل فريده مشيت مع مي وروحت وجهزت 
عند عمر 
عمر يا مهاب اخلص مراتك دي مايعة هنتاخر
مهاب روق أعصابك يا عمر بكرا تتجوز وتتعود علي زلة الستات ومايعتهم في اللبس
سالي طلعت إيه في إيه مش لازم اخد راحتي
مهاب كنتي مخبية الجمال ده فين يا قلبي
سالي كل بعقلي حلاوة يلا
عمر مانا بقالي ساعة بقول يلا
سالي طب ثواني شهد فين وامك
عمر نهار أسود
نسيت شهد ثم ابعدو امي عن الموضوع خلي الجوازة تتم علي خير وبعدين اصدمها
سالي بتهزر دي تروح فيها
عمر لأ متقلقيش بس لو عرفت قسما بالله ما هتم الجوازة انتو عارفين إن هي أهم حاجة عندها المكانة الاجتماعية حتي لو البنت شمال تعجب امي والله لو قولتلها هتجوز مين لتكون مطربقة الدنيا على دماغي ودماغ فريدة ...مي موجودة جنبي وهكلم شهد اهو
وفتح تليفونه ورن علي شهد
شهد كانت في اوضتها بتقلب في صور ليها مع يوسف 
شهد حبيبي والله وحشتني ووحشتني غلاستك وجنانك ليا ايمتا هتظهر بقي واعرف مكانك
تليفونها رن ردت شهد خير يا عمر
عمر بسرعة تعالي ليا عند مهاب...ممكن
شهد تمام مسافة الطريق
شهد راحت لعمر وهو فهمها كل حاجة وهي كانت مبسوطة لمعرفة اخوها وجه هيثم وكمان أخوها الحجر القاسې فتح قلبه
شهد بدموع الله يا عمر مش مصدقه إنك حبيت
عمر مالك يا بنتي
شهد لا مفيش بس فكرتك هتفضل صايع وحجر
عمر هههههه انا صايع وحجر مرة واحدة
شهد أيوة حجر مبتعرفش تحب خالص
عمر بس انا بحبك وانتي عارفه
شهد لو
بتحبني مكنتش سبتني اتعذب مكنتش قسيت عليا في كل مرة اشتقت فيها ل يوسف ...بس انا مبسوطة إنك حبيت عشان هتعرف قد ايه صعب تعيش أو تتنفس بعيد عن اللي إنت بتحبه
عمر شاف إنه معاها حق وإنه فعلا قسي عليها وكان بيجبرها تنسي يوسف وتعيش من غيره وهو شايف نفسه قد إيه فريده بتوحشه حتي وهو لسا مش عاش معاها ولا اتعلق بيها زي ما شهد اتعودت علي يوسف قرب منها عمر وخدها في حضنه اوعدك إني هلاقي يوسف وهسمع منه تبريره بس سامحيني
شهد بصتله بسعادة بجد هتلاقي يوسف وتصالحه
عمر ده وعد هسمع يوسف واشوف الحقيقة فين
شهد تصدق بالله انا حبيت فريده دي اوي عشان قدرت تغيرك كده
عمر بذمتك انا اتغيرت مانا لسا زي مانا
شهد ههههه إنت اتغيرت يا عمر بس الله اعلم لسا مش بتعرف تسيطر علي عصبيتك ولا لأ
مهاب اسكتي مش كان هيقول لما عمر اتحكم بغضبه لما فريده حكتله عن اعتراف هيثم ليها بس عمر بصله بتحزير لانه برغم إنه قال كل حاجة لشهد بس مقالش إنه زواجه من فريده مجرد فرصة
شهد إيه
مهاب اسكتي هنتاخر واخوكي هيتجنن ويتجوز
شهد حبيبي العسل هيتجوز يا ناس يلا نمشي
وراحو والحمدلله تم كتاب كتاب عمر وفريده
فريده بتودع اختها وامها بعياط كتير
عمر مال عليها اومال لو كان زواج حقيقي كنتي عملتي ايه
فريده مش هتفهم إنت
أسيل بمحاولة اخفاء حزنها يااااه وأخيرا هاخد اوضتك
فريده هههههه يا كلبة هتورثني وانا حية
أسيل أيوة اضحكي كده وحضنو بعض بحب
وركبت فريده مع عمر العربية وهي جنبه وشهد راكبة ورا
شهد عمر مابلاش ترجع البيت روح أي فندق امك هتسود ليلتكم
عمر العروسة مش راضية .ومال علي فريده والله بقول نروح فندق اهو ناخد راحتنا
فريده بنظرة غيظ لأ مبحبش جو الفنادق ولازم اخد رضا حماتي
عمر هنعيش توم وجيري في البيت والله يا شهد الفترة الجاية دي
شهد ااااا اظن كده بس ماما بتحبك متقلقش
عمر عارف ووصلو البيت
برا البيت عمر همس لفريده مش عايزك تخافي ولا تزعلي من اي حاجة هتقولها ماما صدقيني هي طيبة من جواها هتزعلك بكلامها لكن مش هترضي زعلي وهتحبك بعدين وانا جنبك مټخافيش
فريده إنت كده خوفتني علي فكرة ...
عمر هههه لأ مټخافيش
ودخلو وكانت زينب قاعدة بتقرأ كتاب
زينب سمعت الباب عرفت إن حد من ولادها رجع
زينب شافت شهد وفريده وعمر بصت ناحية فريده ب استفهام !!!!!
عمر مسك ايد فريده