حب تاني جميع الاجزاء كامله من الاول
المحتويات
بسعادة واضحة بجد يا بابا يعني كامل جاي يخطبني رسمي بكره
المستشار رؤوف طبعا يا حبيبتي وهو هيلاقي احسن منك!
مها ابتسمت بسعادة وفجأة انتفضت في مكانها وقالت ايه ده دا حضرتك بتقول انهم جاين بكره وانا ملحقتش اجهز نفسي ولا اجهز الفستان اللي هلبسه انا هعمل ايه دلوقتي مفيش وقت.
المستشار رؤوف وهو بيضحك اهدي يا حبيبتي مفيش داعي لكل التوتر ده.. هما لسه جاين يتقدموا ونقرا فاتحة وفي الخطوبة اعملي اللي انتي عايزاه.
مها بتوتر من شدة الفرحة لا يا بابا انا لازم اكون جاهزة اكتر من كده.
المستشار رؤوف خلاص اعملي اللي تعمليه انا معرفش حاجة عن ترتيبات البنات دي.
ابتسم باباها ومها جريت على اوضتها والمستشار رؤوف كان فرحان جدا بسعادة بنته وقام قفل باب غرفة مكتبه عليه وعمل مكالمة مع دكتور نفسي صديقه.
المستشار رؤوف الو.. ازيك يا دكتور اخبارك ايه.
الدكتور الحمد لله يا سيادة المستشار.. انت اخبارك ايه وعروستنا عامله ايه دلوقتي
رد المستشار رؤوف عال العال اوي يا دكتور.. النهارده كامل كلمني وطلب ميعاد عشان يجي يخطب مها.. كامل تلميذي اللي كنت كلمتك عنه وقولتلك ان مها اعجبت بيه في حفلة عيد ميلادها.
المستشار رؤوف بتردد بس انا مش عايز اعرفه كل التفاصيل عن حياة مها قبل ما تقابله يا دكتور وخصوصا انها يعني بقت من الماضي.
الدكتور الماضي اللي بتتكلم عنه ده يا سيادة المستشار هيبقى مستقبله.. هو من حقه يعرف ان البنت اللي هيتجوزها دي كانت حامل من زميلها في الجامعه من خمس سنين وحاولت الاڼتحار وحصلها اجهاض ...
المستشار رؤوف بتردد بس انا مش عايز اعرفه كل التفاصيل عن حياة مها قبل ما تقابله يا دكتور وخصوصا انها يعني بقت في الماضي.
الدكتور الماضي اللي بتتكلم عنه ده يا سيادة المستشار هيبقى مستقبله.. هو من حقه يعرف ان البنت اللي هيتجوزها دي كانت حامل من زميلها في الجامعه من خمس سنين وحاولت الاڼتحار وحصلها اجهاض.
المستشار رؤوف اكيد انا مش هقوله كده يا دكتور واوقف جوازة بنتي.. انت مش متخيل السعادة اللي مها فيها بعد ما عرفت انه جاي يخطبها بكره.
الدكتور واكيد مش هتخدعه وتسيبه لحد ما يكتشف الحقيقه دي بنفسه لما يتجوزوا.
الدكتور بعدم اقتناع انا شايف ان ده هيكون خداع له يا سيادة المستشار.
المستشار رؤوف سيبها لله بس يا دكتور انا المهم عندي دلوقتي اني رجعت اشوف بنتي مبسوطة وسعيدة بحياتها وانا متأكد انها هتكون اسرة سعيدة مع كامل وهتنسى كل اللي شافته قبله.
الدكتور اللي تشوفه يا سيادة المستشار انا عملت اللي عليا وقولتلك اللي شايفه صح.. وربنا يوفق مها ويسعدها.
بقلمي ملك إبراهيم.
اليوم التالي..
في غرفة كامل..
وقف كامل قدام المرايا يلبس بدلته وهو بيبص لنفسه وعنده اصرار رهيب انه يكسر فريدة الليلة قدام مها وينتقم لكبريائه ولقلبه منها.
في غرفة فريدة..
وقفت قدام المرايا تبص ل وشها الشاحب وعيونها المنتفخة من العياط وحاولت تداري كل ده ب ميكب خفيف وهي بتقوي قلبها وبتصبر روحها ومش قادرة من كتر الۏجع اللي في قلبها وهمست بضعف ياااارب.. مش عايزة اتحط في الموقف ده.. نفسي اي حاجة تحصل ومروحش معاهم.. مش هقدر اشوفه وهو مع واحدة غيري.. يارب قويني.
في غرفة شهد.
كانت قاعده على سريرها وفاتحه الاكونت بتاع زياد وبتتفرج على صوره وبتتأمل فيه وبتتخيل لو كان حبها هي بدل فريدة اكيد كانت هتبقى اسعد انسانه في الدنيا وشايفه انها تستحق زياد اكتر من فريدة.. وافتكرت فريدة وبصت قدامها پغضب وقالت اللي هيحصلك النهارده يا فريدة اكبر عقاپ ليكي.. تستاهلي انك تشوفي اللي بتحبيه وهو مع واحدة غيرك يمكن تحسي بلي انا حاسه بيه.
تحت كانت سميحة جاهزة وفي انتظار نزولهم.. نزل كامل الأول بملامح جامدة بارده وبص ل مامته وسألها پغضب عرفتي الهانم اللي فوق دي انها هتيجي معانا
ردت سميحة عرفتها وكل اللي انت عايزه هيحصل بس انت فك وشك ده احنا رايحين نخطبلك مش رايحين عزا.
نزلت شهد وقربت من مامتها واخوها وقالت انا جاهزه.
ردت سميحة لسه فريدة.
اتكلم كامل پغضب هو احنا هنقف نستنا الاميرة كمان لحد ما تتكرم وتنزل..!
في نفس اللحظة كانت فريدة خرجت من اوضتها ونازله على
متابعة القراءة
