إبن صاحب الشركة بقلم إيه محمد عامر

شقة و أختارت تلاته تنقي انتي بقي واحده منهم.. 
كلهم في اماكن كويسه و قريبة من الشركة و من بيت والدك..
فرح اي مكان ي قاسم..
قاسم ازاي اي مكان.. دي البيت اللي هنعيش فيه سوا.. لازم كل حاجه فيه تكون من أختياري انا و انتي..
فرح طيب وريني صور ليهم..
قاسم تمام استني..
فرح شافت الصور و ريكشنات وشها بتتغير و هي بتشوف الشقق اللي قاسم مصورها..
فرح أحلف
قاسم بإستغراب احلف ليه!!
فرح ان دي الشقق اللي المفروض انقي منها!
قاسم اه والله هي... اي مش حلوين!
فرح لا دول حلوين أوووووي.. تحفه فنيه والله بس دول هتلاقيهم غالين أوي..
قاسم مفيش حاجة تغلي عليكي ي فرح..
فرح ب إستغراب اي!
قاسم اي! الشقة هتتكتب ب أسمك أنتي..
فرح ب دهشه دا بجد.. بس دا ليه!
قاسم و فيها اي انا و أنتي هنكون واحد ي ستي..
فرح اه بس دا مش في اتفاقات الفرح..
قاسم انتي فقر ليه! دي ملهاش علاقه ب اتفاقات الفرح.. نقي بقي شقه هخلل جمبك و شكلي مش هتجوز.. فرح انا عندي 29 سنه عاوز اتجوز قبل م اكسر التلاتين..
فرح بضحك ليه هتعنس!
قاسم تقدري تقولي كدا...
فرح طيب.. احم.. تقدر تيجي تتفق مع بابا علي معاد الفرح..
قاسم احلفي!
فرح اه والله.. بس دا مش معناه تحطهولي ف اخر الشهر..
قاسم بصي احنا نرجعهم شهرين زي م اتفقنا في الاول بلاش تلاته..
فرح خلاص ماشي.. مش عارفه جوازة اي دي اللي في شهرين..
قاسم بغمزة جوازه فرح و قاسم..
فرح احم.. طب كل كشړي قبل م يبرد و أتفضل بقي هاتلي كماله..
قاسم كماله اي انتي واقفه علي عربيه..
فرح علفكرا اي محل كشړي بيبقي فيه كماله عادي..
قاسم اه بس مش المحل دا... و بعدين اسمه مطعم..
فرح مطعم ولا محل اسمه اي.... وريني المنيو دي كدااا.. ي نهار اسود اي الأسعار دي... ده شوية رز و مكرونه..
قاسم بضحك اصل الكشري دا حياتي حياتي حياتي..
فرح دا انا كنت هعزمك علي ايس كريم من ابو خمسه جنيه.. شكلي اي دلوقتي بقي..
قاسم ب ابتسامه اي حاجه منك حلوه.. و بعدين انا اللي عازمك يبقي انا اللي اجيب الأيس كريم..
فرح لا انا اللي عازماك علي الايس كريم و انت عازمني ع الكشري..
قاسم اه بس مينفعش تدفعي و انا موجود..
فرح و اي اللي قل نفعه بقي عشااان انت راجل و انا ست..
قاسم اااااااااه..أهلا أهلا.. هو انتي منهم..
فرح اي منهم دي بقاااا..
قاسم مااا علينا... بس ي حبيبتي مينفعش بالنسبالي تدفعي وانا موجود..
فرح في نفسها اي حبيبتي دي بقااااا....
فرح احم.. خلاص انا هعزمك و انت تدفع..
قاسم جمله متناقضه بس اوكيه..
فرح طيب يلا بينا..
قاسم و فرح خرجوا من المطعم و بدأوا يتمشوا سوا علي الطريق زي م قاسم حابب عشان يتعرفوا علي بعض أكتر.. و اشترالهم أيس كريم..
قاسم ب إبتسامة تدوقي الفانيليا مع الشكولاته جامده والله...
فرح المانجا تكسب..
قاسم بحبها عصير مش ايس كريم..
فرح بحبها في كل حالاتها..
قاسم بيتكلم مع فرح و بيفتح مواضيع معاها عشان يتعرفوا مع بعض اكتر و فرح كانت مبسوطه
لأن قاسم شبهها في حاجات كتير من اللي اتكلموا فيها.. و قفوا عن الكلام لما بنت شاورت من عربيتها لقاسم و وقفت قصادهم...
مليكه قاسم ازيك..
قاسم بخير ي مليكة اي أخبارك..
مليكة انا تمام.. و حشتني اوي مبقناش نشوفك في الشركة ليه!!
قاسم ااه.. معلشي ماسك شغل والدي اليومين دول..
مليكة بس بردو مينفعش تغيب كدا..
فرح بهمس مين الظريفه..
قاسم احم.. مليكة عارضه ازياء معروفه و شركتنا متعاقده معاها في عروض الازياء.. متعرفيهاش!!
فرح ولا سمعت عنها..
مليكة بصت لفرح من فوق لتحت و كأنها بتقيمها و بعدين ردت..
مليكة واضح..
قاسم فرح تبقي خطيبتي و خلاص اهو فرحنا قريب ي ريت تبقي تنورينا..
مليكة بغيظ إن شاء الله.. هسيبكم بقي قبل م الأيس كريم يسيح..
مليكة ركبت عربيتها و سابتهم و مشيت و فرح واقفه ھتنفجر من الڠضب..
فرح ب تريقه هيسيح ازاي بكتلة البرود اللي انتي فيها ي اختي...
قاسم بضحك اهدي.. 
فرح م انا هادية اهو و باكل ايس كريم.. مين بقي دا كنتوا متصاحبين..
قاسملا خالص هي..
فرح هي اي!
قاسم طلبت الجواز مني بس انا رفضت..
فرح بعدم فهمت طلبت الجواز ازاي! اتقدمتلك يعني..
قاسم اه..
فرح بضحك اي دا!!
قاسم زي م بقولك كدا قالتلي عاوزة أتجوزك.. خبط لزق كدا.. انا مكنتش معجب بيها و عمري بس هي شخصيه مهمه بالنسبه لشركتي و شغلي ف تعاملي معاها لازم يكون كويس و لما رفضت كان بشياكه كدا...
فرح و اي اللي خلاك ترفض!
قاسم ااممم.. مش شبهي و لا شبه الحياة اللي انا عاوزها..
فرح و اي شكل الحياة اللي أنت عاوزها..
قاسم عاوزها ابسط مما تتخيلي ي فرح.. بيت بسيط و هادي و محترم.. و ولاد اوربيهم صح و يكونوا ناجحين في حياتهم و فاهمين في الدين عني ويكونوا احسن مني.. 
اللي زي مليكه عاوزة حياه شو.. بين الكاميرات و الصحفيين و انا عاوز بيت.. 
و يمكن انتي الوحيدة اللي حسيت اني هلاقي البيت دا معاها..
فرح بخجل بجد!
قاسم ايوا بجد.. أنتي حلوة اوي ي فرح.. من جواكي حلوة بنت ناجحه و حنونه اوي علي والدها.. يمكن لو تعبت تشيليني زي
م انتي شيلاه كدا.. 
الحاجات اللي بتفرحك بسيطه.. اكله كشړي او فول بالزيت الحار انتي وهاله و تقلبولنا ريحه الشركه.. والله و دا مش عشان انا مش عاوز اعملك حاجه كبيره تفرحك بس عشان انا كمان كدا.. مش بيبهرني الظهور و الحياة الفيك..فهماني!!
فرح بإبتسامه فهماك.. و ي رب اكون عند حسن ظنك فيا..
قاسم هبعتلك صور الشقق بليل تشوفيها و تختاري وي ريت انتي و خالك و طنط عايده تيجوا تشوفها ولو والدك هيقدر هكون سعيد جدا.. عشان بس الإجراءات بتاخد وقت..
فرح انت عايش مع والدك صح!
قاسم لا.. انا عايش في شقتي مع اخواتي و هما هيفضلوا فيها بعد م انا اتجوز..
فرح و ليه مش عايشين في بيت والدكم..
قاسم فرح.. محدش مني او أخواتي بيكلم والدي..
فرح ب صډمه اي!!!
قاسم بصي ي فرح.. انا بس عاوزك تصدقيني.. ابويا اذانا كتير اووي في حياتنا احنا التلاته.. فارس مثلا السبب انه مبقاش يتكلم بسبب ابويا من غير دخول في تفاصيل... 
ف ما كان مني غير أني سفرت أخواتي الأتنين برلين و هو ميعرفش عنهم حاجه و حتي ميعرفش انهم رجعوا يدوب من اقل من شهر و عايشين معايا..
فرح بس ليه كدا!
قاسم موضوع كبير.. ولما يجي الوقت المناسب و اكون قادر اتكلم فيه هحكيهولك أكيد..
فرح تمام..
قاسم طيب الساعه دلوقتي تلاته العصر تعالي أروحك بقي و ترتاحي كدا من دلوقتي عشاااان بكرا فيه شغل ي استاذه..
فرح ب ابتسامه ماشي..
فرح بالفعل من تاني يوم رجعت للشركة و بدأت ترجع لحياتها الطبيعية بالتدريج.. بس حياة افضل و احسن و الطف بوجود قاسم و برجوع والدها للشفا و اللي بدأ يحرك أطرافه و في طريقه انه يرجع تاني للحالة الطبيعيه... 
فرح بدأت تتعلق بقاسم و إعجابها بيه بقي كبير لحد الحب.. شخص لطيف مريح في كلامه معاها و بيهون ضغطواتها دايما.. 
أكتشفت انه محب للحياة الطبيعيه بشكل كبير.. بيحب الطبيعه و الهدوء.. مغرم بالبحر و السما.. و دت خلاها تنجذب ليه اكتر يوم بعد يوم... 
أما قاسم ف بدأت فرح تاخد جزء كبير أوي من تفكيره و من يومه و حياته بشكل عام.. اتعود عليها علي هزارها و ضحكها.. بدأ يتعرف علي شخصها الحقيقي من كونها شخص بشوش و لين الطبع و قلبها نقي بعيدا عن عصبيتها لما بيكون الحمل تقيل عليها.. شخص بيحب اكتر انه يكون مسؤل من حد مش مسئول عليه.. و فرح كانت معاه زي الطفله بالظبط ..
مر شهرين مليانين بالكتير من التجهيزات لفرحهم اللي باقي عليه كام ساعه بس...
فرح فين الجذمة فين!! و تليفوني كان هنا..
هالة موجودين ي فرح اهدي.. اهدي ماشي كل حاجة ماشية تمام...
فرح بتوتر انا متوترة اوي اوي هو دا طبيعي ولا اليوم هيبوظ ولا هيحصل حاجة!!
داليا وسعوا..
وسعوا كدا انتي اي فهمكوا انا اتجوزت قبل كدا.. بصي ي فرح القلق دا طبيعي ي حبيبتي ماشي.. اليوم هيبقي حلو والله يلا بقي قومي البسي فستانك عشان تلحقي تحطي الميكب ي بنتي و تلفي الطرحه ولسه موال.. ف يلا بقي..
فرح اه يلا بقي.. هدخل ألبس..
فرح بدأت تلبس هدومها و سعادتها هالة و علا و بعدين الميكب ارتست بدأت تحطلها ميكب خفيف و ني لفت الطرحه لنفسها... 
اما عند قاسم ف كان لسه نايم اصلا...
خالد أنت ي بني أدم... ي عرييييس... ي عمم بقي أصحي...
قاسم وسع يلا بطل رخامه..
خالد ي أبني هو انت محدش قالك ان فرحك النهاردة!!
قاسم بنوم لسه بدري...
خالد الساعة اربعه.. قوووم بقي..
قاسم ي انهر اسود... اانا نمت كل دا!!
خالد أدي اخره الرغي ع التليفونات طول الليل..قوم انا جهزتلك كل لبسك و شقتك اتزينت زي م انت طلبت بالظبط و المفتاح معايا... ادخل خد شاور علي م البس عشان افضالك...
قاسم م ماااشي..
قاسم خد شاور وخرج لبس بدلته و ظبط شعره... فارس وقف قصاده و هو مبتسم و ربط الجرافت ل قاسم و باركله...
خالد مبروك ي قاسم الف مبروك..
قاسم الله يبارك فيكم ي شباب عقبالكم...
خالد هو.. ابوك هيجي..
قاسم انا قولتله بس قولتله بردو ي ريت ميجيش.. و أنتوا لو شوفتوه تبعدوا عنه و محدش يتكلم معاه فاهمين.. هما ساعتين زمن و هقوله انكوا رجعتوا برلين.. ماشي!
خالد اللي تشوفه ي حبيبي.. يلا بقي مش هننكد علي نفسنا.. انت روح هات عروستك و احنا هنروح نشوف كله جهز ولا اي في القاعه...
قاسم تمام..
قاسم وصل عند فرح بعد فترة و كانت جهزت و مستنياه...
هالة فرح قاسم جه... هه صاحبه مجاش معاه ليه!
علا اقعدي انتي دلوقتي مش وقتك.. اي اللي هيجيب صاحبه معاه يعني!
قاسم دخل جوا و شافها وهي واقفه مكسوفه و مستنياه...
قاسم ب سعادة اي القمر دا بس.. مبروك عليا انتي ي فرح والله..
فرح احم.. شكلي حلو بجد..
قاسم قمر..
قاسم كان هيحضن فرح بس هي رفضت و بعدت عنه...
فرح لااا.. لسه مكتبناش الكتاب...
قاسم ماااشي ي انسه فرح.. طب يلا عشان لسه السيشن..
فرح يلا....
فرح وقاسم اتصوروا السيشن و بعدين وصلوا علي القاعة.. 
والد فرح كان واقف علي عكازه ساند عليه بصعوبه بس هو مش حابب يكون علي الكرسي يوم فرح بنته الوحيده زي م هو اعتبر...
جلال دي الغالية.. روحي كلها و أملي في الدنيا.. حبيبتي و بنتي و صاحبتي و
أحيانا امي كمان..بنت اصول و ربيتها أحسن تربية و عمري م حرمتها من حاجه.. تعبت