سر زوجي

المكرونة الباشميل اللي انتي عملاها
يادوبك خلصنا اكل ولسة هشيل السفرة حسيت بۏجع جامد في بطني كان ۏجع رهيب مش قادرة استحمله لدرجة ان نزلنا المستشفى الساعة واحدة بالليل وطبعا اخدني على المستشفى عنده هي نسا وولادة لكن فيها قسم طوارئ.
اول ما دخلت المستشفى حسيت ان في حاجة غريبة حسيت انهم عارفين ان احنا جايين دلوقت وقاعدين مستنينا حتى الاوضة كان باين اوي انهم محضرينها مخصوص عشاني.
حسيت بقلق وخوف ورغم كدة ماقدرتش اتكلم ولا انطق من كتر الۏجع لغاية ما الممرضة

جات واديتني ابرة روحت بعدها في دنيا تانية
اول مافوقت لقيته قاعد جنبي في السرير وقلقان عليا كنت حاسة كأني متخدرة او واخدة بنج ولقيت في دراعي متركبة ومتوصل بيها محلول
هو ايه اللي حصل هو انا عملت عملية ولا ايه
ايوة يا حبيبتي للأسف الزايدة عندك كانت ملتهبة اوي بس الحمدلله لحقناها على اخر وقت قبل ماتنفجر
انت بتهزر زايدة ايه !!!
انا عاملة عملية الزايدة من خمس سنين انا حاسة ان في حاجة مش طبيعية بتحصل ومش قادرة افهمها لو سمحت مشيني من هنا بسرعة مش قادرة استحمل اكتر من كدة ارجوك رجعني بيت اهلي ارجوك
حاضر بس اهدي شوية بلاش تنفعلي كدة خطړ 
إيه الكلام اللي انت بتقوله دة انت عاوز تجنني اكيد عاوز تجنني انت مش طبيعي ابدا
فضلت اصړخ بعصبية وقومت من السرير رغم اني مش قادرة امشي وروحت ناحية الشباك اهدده
لو مافهمتنيش كل حاجة دلوقت انا هرمي نفسي من الشباك
استني بس ارجوكي اهدي وماتعمليش في نفسك حاجة. انتي متعرفيش البيبي اللي في بطنك دة يبقى بالنسبة لي ايه دة اخر امل ليا في الدنيا ارجوكي ماتهديش وتضيعي كل حاجة في ثانية
بردو بتقول تاني البيبي اللي في بطنك خلاص انا مش عاوزة اعيش معاك سيبني اموت انا بكرهك انت انسان مش طبيعي
خلاص اهدي وانا هحكيلك على كل حاجة واضح ان مش هينفع اخبي اكتر من كدة
بس تعالي الاول ارتاحي في السرير وانا هفهمك كل حاجة بالتفصيل
من سنتين بالظبط اكتشفت ان عندي ورم سړطاني