البنات كامله

انا كل يوم ببقي نفسي اروح ابوس ابوكي علشان كان السبب في جوازنا .
سجي ابتسمت . مراد والله بابا مش وحش .
مراد حبيبة قلبي عارف والله انا مقصدتش اضايقك . وبعدين انا اللي واقع فيكي . والناس كلها شافوني وانا حطير بيكي .
سجي كان اجمل يوم في حياتي يا مراد . بجد انت محصلتش .
مراد لسة اليوم مخلص التقيل جاي ورا انا حالف اربيكي علي اللي عملتيه فيا والمقالب اللي شوفتها علي ايدك يا بنت اللذين . وكله كوم بقي ولما قولتيلي ان حكاية اني بتاع ستات دي اشاعة والله لوريكي اذا كانت اشاعة ولا لا يا سجي وكمان انا مدي الشغالين كلهم اجازة علشان محدش يلحقك .
سجي لا انا كدة ابتديت اخاڤ . منك انت ناوي علي ايه .
مراد اممممم مينفعش اقولك خاليها مفاجاة . بس المشكلة في الفستان اللي كله رباطة ده انا لو خنقني حقطعوا . انا بقولك اهو .
سجي ليه حرام خسارة . وبعدين انا حقلعه لوحدي .
مراد نعم انا داخل علي سنة حموت علي اليوم ده وانتي تقوليلي انتي اللي حغيريه . وبعدين يا حبيبتي خسارة ليه . تكونيش ناوية تتجوزي تاني ولا حاجة.
سجي هههههههه ربنا يستر واليوم ده يعدي علي خير .
في الفيلا
سجي اول ما نزلت من العربية لقت مراد عاملها طريق من اول باب العربية لحد الاوضة من الشموع علي الجنبين وورد وكمان الاوضة كلها ورد وشموع والسرير عليه قلب كبير بالورد الاحمر .
سجي حتطير من الفرحة . مش ممكن ايه كل ده . مراد انا بحبك . بحبك بحبك .
مراد هههههههه . وانا بحبك بحبك بحبك . لحد اخر يوم في عمري بحبك .
هاه قوليلي بقي جاهزة تكوني مراتي وحبيبتي.
سجي هزت راسها . جاهزة ....................
تاني . يوم الصبح
سجي صحيت لقت مراد قاعد قدامها وباصص عليها .
سجي حبيبي صباح الخير .
مراد صباح النور يا روحي . نمتي كويس .
سجي جداااااااا . وانت
مراد يا بختك . انا بقي معرفتش انام . كل ما عيني تغمض اصحي اخاڤ اغمض عيني وانام لصحي والقيني كنت بحلم انك كنتي معايا بجد . كل شوية ابص عليكي وانتي نايمة . اصل انا خلاص ادمنت الحكاية دي .
سجي من ليلة واحدة ادمنت .
مراد امممم تعرفي اني كنت بشوفك كل يوم وانتي نايمة ووانتي صاحية وكمان وانتي بتلبس كل حاجة كنت بشوفها .
سجي قامت قعدت . ازاي . علي فكرة انا كنت شاكة فيك وقلت ده حاطلي كاميرا بس قلبت الاوضة كلها ملقتش حاجة
مراد ههههههه ومكنتيش حتلاقي عايزة تعرفي انا كنت بشوفك ازاي .
سجي اه قول بقي
مرادقومي معايا وانا اوريكي . تعالي
سجي استني بس البس الروب .
مراد روب ايه واحنا حد معانا تعالي ...... قوليلي ايه رأيك في المرايا دي .
سجيحلوة ما انا عارفاها .
مراد مش انتي عندك زيها في الاوضة التانية .
سجي اه في بس ده ايه ډخله بإن انت كنت بتشوفني .
مراد بصي كدة .. وفتح مراد المرايا وسجي لقت الباب الازاز .
سجي تنحت .
مش ممكن . ايه ده يعني كنت بتشوف كل حاجة . اه يا قليل الادب
مراد ههههههه احلي حاجة لما كنتي تقفي قدام المرايا كنتي اكنك واقفة قدامي . كنت ببقي عايز افتحها واجيلك .
سجي حضنته . انا مكنتش اتخيل انك تحبني كدة .
مراد ولا انا كنت اتخيل اني احب اصلا لكن انتي بصراحة تجنني . بقولك ايه .
سجي قول .
مراد انا فيه حاجة امبارح نسيت اقولك عليها تعالي لما اقولهالك بسرعة
سجي ههههههه كل ده ونسيت . ده انت رغاي بقي
مراد طبعا. ده انتي حتصدعي تعالي بقي ده انا مصدقت
الحلقة الثانية والعشرون والاخيرة
وبعد مرور اربع شهور علي جواز مراد وسجي . في يوم في الصباح . مراد يبلبس هدوموا علشان نازل الشركة
.
سجي فتحت عنيها . صباح الخير يا روحي .
سجي اتعلقت في رقبته . تؤتؤتؤ انا اصلا قلقت من اول ما قمت من جنبي . لما بتقوم بحس بفراغ فظيع .
مراد هههههههه يا بنت اللذين بطلي مياصة عايز انزل ورايا اجتماع مهم .
سجي اممم مع رجالة ولا ستات .
مراد ههههه لا يا ستي ماتخفيش رجالة . وبعدين هو انتي مخلياني عارف اشوف ولا حتي اتكلم مع واحدة ست . حتي ميادة خلتيتي امشيها . واجيب راجل مكانها .
سجي طبعا اومال كنت عايزني افضل سايباك معاها علشان ترجعوا . زي زمان .
مراد حرام عليكي انا خلاص توبت علي ايدك . وبعدين بصراحة صعبت عليا مردتش امشيها نقلتها وبس. انتي عارفة مصاريف علاج مامتها.
سجي بس شكلك زعلان علشان مشتها من مكتبك .
مراد بصراحة البنت كانت شايفة شغلها علي الاخر . كانت جامدة .
سجي زغدتة في قلبه
مراد اي . كدة . هان عليكي قلبي توجعيه .
سجي علشان تحرم تغظني يا بايخ .
مراد طيب ممكن بقي تسيبني انزل . بدل والله اقلع وانام جنبك واسيب الاجتماع .
سجي لا خلاص حسيبك . بس في حاجة عايزة اقولهالك . قبل ماتنزل .
مراد قولي يا حبيبتي . عايزة ايه .
سجيانا مش عايزة حاجة انا بس كنت عايزة اقولك انا عملت ايه امبارح عند الدكتور انا ونهي . انت اصلك بالليل مادتنيش فرصة اكلمك .
مرادااااه. انا اسف يا قلبي والله لما رجعت امبارح . نسيت اسالك اصلك بتبقي وحشاني مببقاش عارف اشبع منك . هاه قوليلي ايه اللي كان بيوجعك .
سجي مفيش . هو انا بس.... اممم
حامل .
مراد تنح وبيبص علي بطنها ويبصلها. انتي بتتكلمي جد . حامل .
سجي هزت راسها . اه حامل .
مراد حضنها . حبيبتي بجد انا فرحان جدا مش ممكن . اتجوزك وابقي اب كمان ورا بعض كدة . لا كدة كتير عليا انا مش عايزك تتحركي من السرير تقعدي ترتاحي لحد ما تولدي فاهمة .
سجي هههههه ليه يعني هو انا اول واحدة تحمل وتولد .
مراد ايوة اول واحدة تحمل من مراد سلام وحتجبلوا ولي العهد . اه يا بنت اللذين اعمل فيكي ايه كل يوم بتنوري وتحلي دنيتي اكتر من اليوم اللي قبله .
سجي حبيبي ربنا يخليك ليا . مراد في حاجة عايزة اعملها انا وانت وكان نفسي فيها اوي خصوصا بعد الحاډثة بتعتك وبعد ما ربنا نجاك منها . بس ساعتها انت فاجأتني بالفرح وكمان الاربع شهور اللي فاتوا دول كانوا زي الحلم محستش بيهم .
مراد اؤموري يا قلبي عايزة ايه وانا انفذه حالا.
سجي عايزة اعمل عمرة انا وانت انا عارفة ان انت خلاص مابقتش زي زمان بس انا عايزاك تتوب بجد وتعاهد ربنا قصاد الكعبة انك مترجعش زي زمان .
مراد ياااه يا
سجي عمرة. تصوري انا مفكرتش فيها . قبل كدة .
سجيلا لازم تفكر وبعدين انا متأكدة انك حترجع من هناك احسن كمان من دلوقتي .
مراد خلاص يا روحي حخلي شريف يجزلنا علي علي اقرب رحلة ونسافر مع بعض وكمان ناخد معانا نهي ومازن وخالتك وجوزها وباباكي . ايه رايك .
سجي فرحت . بجد يا مراد .
مراد بجد يا روح مراد . استني بقي .
سجي انت بتعمل ايه بتقلع ليه مش كنت مستعجل .
مراد لا بقي خلاص انا مش حسيبك لحد ما تولدي حقعد جنبك .
سجي ههههههه مش ممكن حتفضل مچنون . انا مش عارفة انت حتبقي اب ازاي .
مراد مچنون مچنون وبعدين اللي خلاكي انتي يا بيبي حتبقي ام . انا مش حبقي اب . تعالي بقي علشان في حاجات مهمة لازم تخلي بالك منها الفترة الجاية وانا لازم اشرحهالك بالتفصيل .................
وفعلا مراد وسجي ومازن ونهي وخالتها وجوزها وباباها سافروا العمرة ومراد مع انه تاب وندم علي اللي كان بيعمله بس اول ما وقف اقدام الكعبة . كان الموضوع مختلف . مراد بكي بكي مبكهوش في حياتوا كان حاسس انه بيغسل نفسه بالدموع دي وتاب بجد وحس وقتها انه ضيع من عمره كتير في معاصي وظلم وفساد بس خلاص مراد بقي انسان بقلب وروح جديدة وسجي هي السبب اللي ربنا بعتهولوا علشان يتغير . وبعد ما رجعوا مراد مبقاش بسيب صلاته ابدا ولا بقي يهجر القران زي الاول وسجي ولدت وجابت ولد زي القمر وسموه مالك وعاش مراد مع سجي احلي واجمل 4 سنين . وفي يوم . مراد بيلعب مع مالك .
مراد يا سجي تعالي يا حبيبتي بقي شوفي حل مع ابنك ده .
سجي ايه بس عملك ايه . ده حتي مالك كيوت ومؤدب .
مراد كدة ما انتي صحيح. لازم تقولي كدة ما انا اتركنت علي الرف خلاص
سجي وهو انا اقدر يا روحي . قولي بس عملك ايه
مراد الواد ده كل شوية يغلبني في البلاي اشتيشن انا مش عارف هو بقي حريف ازاي كدة
مالك انت يا بابي اللي مش بتعرف تلعب . قولتلك ابقي اتضرب شوية
سجي ههههههه انت اللي جبته لنفسك مليش دعوة .
مراد كدة ماشي يا مالك انا حوريك ابقي شوف بقي مين اللي حيعلمك ركوب الخيل ابقي خالي مامي بقي تعلمك .
مالك متقدرش حتعلمني . او حقول لعموا مازن يعلمني علشان بابي مش بيعرف
مراد يخربيت لامضتك . انت مصېبة . اوعي بقي لما اروح اشوف مامي الحلوة دي
سجي عايز مني ايه .
مراد عايز اطمن عليكي ياروحي . اصلك وحشاني اوي والواد البايخ اللي اسمه مازن ده مستهبل وسايبلي كل حاجة ومبلط في المانيا مع نهي . انا مشفتش حد يا خد شهر عسل 5 شهور بيعمل ايه المفتري ده .
سجي هههههه. يا حبيبي سيبهم ينبصتوا دول كانوا حيتجننوا علي بعض وخصوصا مازن نهي كانت مطلعة عينوا السنين اللي فاتت دي لحد ما خلصت وبقت معيدة كمان .
مراد طيب وبعدين هما ينبصتوا ويسبونا وبعدين نهي لازم تبقي معاكي الشهر اللي جاي انتي خلاص علي ولادة وممكن تولدي. في اي وقت .
سجي اه يا مراد انا خاېفة اولد في رمضان انا حدخل في التاسع مع اول يوم في رمضان .
مراد اه انا بقي فرحان انتي متعرفيش رمضان دي بيعدي عليا ازاي مببقاش عايز الايام تمشي . بس خسارة انتي مش حتصلي معايا التراويح .
سجي ههههه اعمل ايه بس بقولك نفس شهر الولادة عايز يجني
الطلق وانا في المسجد ربنا يستر بقي
مرادعموما انا مش حسيبك وحفضل معاكي. بقولك ايه تعالي اوضتنا علشان عازيك في حاجة بعيد عن