روايه جبل
المحتويات
وفعلا صدقت جبل
جمال حط ايده على خدها وقال لها متعيطيش تاني بقى عشان شكلك ما بيبقاش حلو
هنا هنا دهب بدات تضحك بس ضحكه بعياط مصحوبه بدموع
جبل قالها يلا نروح لمامتك ودهب ركبت مع جبل العربيه
وفي طريقهم لبيت ليلى ام دهب
في فيلا زياد
.....هفكركم بشويه حاجات
من اخر مره جبل راح يجيب هايدي من بيت زياد وهايدي ترجع مع جبل وفضلت تقول له انها شافت دهب وكدا هناك
وجبل ما كانش مصدق الاول لكن هايدي صممت انها ما ترجعش مع جبل ولا ترجع لجبل تاني طالما هو اتجوز وفي الحاله دي جبل مشي وسابها في بيت زياد راح يشوف ذهب
طبعا زياد ما صدق ان مشكله تحصل بين جبل وهايدي واصطاد في الميه العكره هو ونهي السكرتيره بتاعته
زياد فضل يرسم دور الحنين والجان على هايدي ويقول لها ازاي جبل ده ما بيفهمش ازاي يسيب القمر ده ويتجوز حته البنت دي
وفضل يوقع بين جبل وهايدي
طبعا ايه مصلحه زياد اولا هايدي عندها شركه باباها متحده مع شركه جبل فبياخدوا كل الصفقات من زياد ومحتلين السوق زياد مش عارف ياخد ولا صفقه
ده بقى اللي بيخلي زياد يوقع بين جبل وهايدي
وفعلا زياده هو ونهي قدروا يوقعوا بين جبل وهايدي
وهايدي فضلت تقول لازم ارد له الالم لازم ادفعه ثمن اللي عمله فيا لازم اعلم عليه واحړق قلبه زي ما حړق قلبي هنا زياد
استغل الموقف وعرض عليها الجواز
هي في الاول كانت مصدومه وما كانتش موافقه بس زياد فضل يقنعها ويقول لها ان هم لو عملوا كده ھتحرق ډم جبل وتعلم عليه واتفقوا فعلا في نفس الليله على الجواز واحد له كل حاجه وبعته دعوه الفرح لجبل
كانت هايدي قاعده في فستان الفرح على الكرسي وتهز في رجليها
على دخول زياد عليها
زياد ايه يا عروسه انت لسه بالفستان هي في عروسه هتقضي الډخله بالفستان
هايدي نظرت ليه بس ما ردتش وكملت هز رجليها وهي قاعده على الكرسي
زياد قال لها هو في ايه يا هايدي هو انت مش سامعاني ما بترديش ليه قومي غيري الفستان كده وخليها ليله حلوه
الا لما تجيب حقي من جبل ومن البنت اللي جربوعه اللي معاه دي واتطفي ڼاري بعد كده ابقى مراتك واسيب لك نفسي
واسيب لك شركتي واسيب لك فلوسي ا
ده غير القايمه اللي انت ماضي عليها بمبلغ خيالي واعتقد ان المبلغ ده مش معاك
زياد بدا يعرق من كلام هايدي وتوتر اكتر وخاف من كلامها وبان عليه لانه مضى على نفسه مبلغ خيالي علشان يقنع هايدي ان هو مش طمعان في فلوسها
يعني لو ما اعرفش هيتحبس ويبقى خسر كل حاجه
زياد بدا يهدي فيها وحط ايده على كتفها وقال لها اهدي يا حبيبتي صړخت فيه وقالت له قلت لك ابعد ايدك عندي
زياد. حاضر حاضر هبعد ايدي وهو يبعد ايده عنها ويقول لها الليله اوعدك هجيب لك خبر جبل وخبر البنت اللي معاها
هايدي بدلع ساعتها بقى ملكك وكل فلوس ملكك وشركتي وكل ما املك ملكك انت
زياده ابتسم ابتسامه صفراء وطلع تليفونه ورن على حد
وقال ايوه صباح ما خلصتناش ليه وحطيت السم زي ما انا قلت لك
صباح بصوت واطي جدا والله يا بيه هو ما قعد في البيت ولا اكل حاجه هو طلع على مكان اسمه... عشان خاطري يروح للست ام مراته دهب
زياد ما تعرفيش هو رايح ليه
صباح لا والله يا بيه ما اعرف حاجه بس في حاجات غريبه بتحصل في الفيلا هنا وحاجات مش مفهومه
زياد زي ايه صباح قالت له والله يا بيه ما انا عارفه حاجه بس انا هحاول اعرف لك كل حاجه النهارده من سهير هانم وبلغك احنا زياد قال لها طيب وفتح عينيك كويس عشان يبقى لك الحلاوه واول ما يرجع البيت تنفذي الخطه اللي انا متفق عليها معاكي
صباح حاضر حاضر يا بيه انا هقفل بقى علشان الست سهير بتنادي عليا
وقفلت السكه طبعا صباح الشغاله اللي بتشتغل في فيلا جبل
وزياد مجندها ومديها فلوس عشان تنقل له كل الاخبار
ومتفق معايا كمان على خطه عشان يخلصوا من جبل ودهب
زياده اول ما اقفل السكه معاها رن على شخص ثاني وقال له
عايزك في مصلحه
الشخص امرني يا زياد بيه طالما
متابعة القراءة
