حماتي وجوز أمي

عايز يعيش ويبوظ البيت براحتة وبعدين التنضيف ده مش من اختصاصك
مروة
انا بنضف في اليوم 6 7 مرات عشان هو بيوسخ وده تعبني بصراحة انا مبقتش قادرة استحمل
الحما
تقصدي ايه ياست مروة قصدك يعنى عايز ابني يطلقك ومالو ياحبيبتي يطلقك وكل واحد يروح لحاله
امي ردت بسرعه وقالت
لا لا لا يام جمال دي مروة متقصدش حاجة دي ساعة نرفزة وراحت لحالها ساعت شيطان واتعصبت وخلاص ياحبيبتي

الحما
لا يام مروة ده بنتك اللي مش عايزة ابني
وبصراحه كده انا اهم حاجه عندي أن ابني يكون 
سعيد ومش هستحمل حاجه منها ليه تاني
الام
لا بس مين قال كده وهي لو لفت الدنيا بحالها هتلاقي زي جمال فين ده كفاية طيبة قلبة
الحما
طيب عقلي بنتك يام مروة وعرفيها ان ابني اي واحدة في الدنيا تترمي تحت رجليه وبفلوسة اجوزة ست البنات كلها
الام
ااه طبعا طبعا ياست ام جمال هو في زي جمال في الدنيا كلها
وحماتي سبتنا ونزلت وماما قالت لي 
هو انتي يابت هتفضلي طول عمرك عبيطة وهبلة كده يابت ده كله لمصلحتك اعقلي كده وبلاش تهور هو لو طلقك هانروح فين انا وانتي واحنا ملناش مأوى الا هنا
مروة 
ما انتي طمعتي وجريتي بعتي الشقه اللي كنا عايشين فيها عشان تيجي تعيشي معايا هنا طيب افرضي انا مطولتش معاه هنروح فين انا وانتي ولحد دلوقتي حماتي معرفتش انك 
عملتي كده وكل شويه تكلمني انك قاعده
هنا انا غلطانه ان سمعت كلامك 
واتجوزت واحد زي ده
الام. 
ماهو عشان كده بقا بقولك استحملي ياعين امك وبعدين يعني هي حماتك مالها هو احنا كنا عايشين في شقتها علشان 
تقول كده
مروة 
استحمل ايه ولا ايه بس انا تعبت خلاص 
وبعدها سبتها. وخرجت
ومرت الايام ولقيت ماما تليفونها رن وردت وقالت
الام 
الو اهلا عاملين ايه والله ليكم وحشه
المتصل 
انتي كمان وحشتيني يا حنان عايز اشوفك ضروري نفسي اشوفك اوي
حنان 
والله انا كمان نفسي اشوفكم اوي خلاص انا هاشوف على بكرة كده هكلمكم ونتفق على ميعاد وفي الوقت ده انا دخلت وقولت ليها
مروة 
مين اللي كان بيكلمك ياماما
الام 
ها دي دي ااه واحده صاحبتي مقابلتهاش من زمان يامروة وعايزاني اروح اقابلها
مروة 
اااه واسمها ايه صاحبتك دي اللي انا معرفهاش
عمرك ما قولتي ان ليكي صاحبه يعني اسمها ايي
الام 
ااا اسمها ااا سعاد جرا ايه يابت انتي هتحققي معايا ولا ايه ياساتر منك
مروة 
يلا يا جمال عشان تاخد الدوا ميعاده جه
جمال 
لا دوا وحش عايز شوكولاتة
مروة 
طيب ايه رايك لو اخدت الدوا هجبلك شوكولاتة
جمال 
بجد هيييييييه هيييييييه شوكولاته
وتاني يوم لقيت ماما لبسه وعايزة تخرج وقالتلي 
بقولك ايه يا مروة انا نازلة هاروح اقابل صاحبتي اللي قولتلك عليها امبارح
مروة 
هترجعي امتي ياماما
الام 
مش عارفة يمكن اتأخر بقولك ايه ماتشوفيلي كده معاكي قرشين يامروة لحسن مش معايا ولا مليم
مروة 
حاضر ياماما هجيب لك من المصروف اللي حماتي مدياني اجيب بيه حاجات بس لما تقبضي المعاش ياماما ترديهم دي فلوس البيت وعلاج جمال
الام 
ااه طبعا ياعين امك هردهم علطول
ونزلت ماما راحت تقابل واحد في كافيه وقالها
حمد الله على السلامة ياحنان ليكي وحشة والله
حنان
انت كمان يا عاصم وحشتني اوي ايه سافرت وقولت عدولي طيب اسال عليا
عاصم
معلش ياحنان انتي عارفة بقا المشاغل والمسؤوليات اللي عندي المهم طمنيني عليكي وعلى مروة بنتك
حنان
الحمد لله كل تمام وجمال كمان تمام اوي وغمزت له بعنيها
عاصم
امممم تعجبيني ياحنان طول عمري بقول عليكي مفتحة وناصحة
حنان
يووه ما بتعلم منك ياعاصم هو انا يعنى جيباه من برة وبعدين ده انا عنيا ليك
عاصم
انا كمان عنيا وقلبي وكل حاجة ليكي بس لما انول المراد هنقلك ناقله تانية خالص
حنان
حلاوتك ياعاصم
عاصم
بس اااا الواد