مكتوبه على أسمي الحلقه 51

هو انتي مش ناويه تكبري بقى.. هتفضلي طول عمرك عيله كده!
هدير وقفت تبصله پصدمة وقالت انا يا فارس!! هو في ايه! ايه اللي حصل عشان تقولي الكلام ده!
فارس پغضب ايه اللي خلاكي تقولي ل آيات ! هو انتي مش عارفه اللي حصلها لما عرفتيها بخبر مۏته!! كان عقلك فين وانتي بتقوليلها خبر زي ده!
هدير قاطعت كلامه بعصبيه انا مكلمتش آيات ولا قولتلها حاجة وعارفه اني غلطت اول مرة لما قولتلها خبر مۏت عمك في التليفون وهي تعبت وأكيد انا مش هكرر ده تاني واتصل بيها اقولها ابوكي ماټ مسمۏم ومراته اللي قټلته!
فارس بعصبيه ما انا عارف انك متصلتيش بيها.. انتي اللي شوفتيها النهاردة وقولتيلها.
هدير پغضب هشوفها فين انا وهي في القاهرة وانا هنا!! انت مستوعب كلامك ده!
فارس آيات هنا يا هدير ومتحاوليش تقنعيني انك مش عارفه وانك مشوفتيهاش النهاردة.
هدير بصتله پغضب والدموع كانت بتلمع في عينيها وقالتله انا مش هقنعك ولا هقول حاجة يا فارس لانك اصلا مش هتحس ولا هتفهم اللي انا هقوله بس عايزاك تعرف اني فعلا مكنتش اعرف ان آيات هنا في البلد واني مشوفتهاش ولا قولتلها حاجة.
واتحركت هدير علي بيتها وفارس واقف مكانه يبص عليها بتفكير وحس فعلا انها صادقة في كلامها ومقالتش حاجة ل آيات. 
عند هدير اول لما دخلت بيتها جريت علي اوضتها وقفلت علي نفسها من جوه وقعدت على سريرها وهي پتبكي بحزن وهمست بۏجع انت غبي يا فارس وعمرك ما هتحس بيا.. انا بكرهك يا فارس وبكره قلبي اللي حبك ده يارتني اقدر اشيلك منه. 
رواية مكتوبة على إسمي بقلمي ملك إبراهيم. 
عند عامر. 
كان قاعد بيفكر في آيات بحزن وبيفكر يروح البلد ويكون جمبها..
اتكلمت معاه ميرفت بهدوء معلش ياحبيبي كلها كام يوم وتكون معاها على طول ومحدش يقدر يفرقكم ابدا.
عامر بحزن آيات عاطفيه بزيادة والخبر ده هيوجعها ويكسر قلبها.
اتنهد شريف بحزن معلش يا عامر انت لازم تصبر كام يوم لحد ما نخلص من المشاكل اللي هنا.. آيات هناك في امان وبعيد عن اي مشاكل.
عامر هز راسه بالايجاب وقام وقف وقال عندك حق يا شريف.. انا هرجع الفيلا لاني محتاج ارتاح شويه.
ميرفت بصتله بحزن ودعتله من قلبها وعامر خرج من شقة كوكو وركب عربيته واتصل على تليفون آيات. 
آيات كانت في غرفتها في بيت عمها وقعدة على السرير پتبكي.. تليفونها بيرن وظهر اسم عامر قدامها.. رفضت المكالمة وقفلت التليفون وهي پتبكي. 
عامر بص على تليفونه اول لما آيات رفضت المكالمة وقفلت تليفونها.. قفل هو كمان تليفونه وبص على الطريق قدامه بحزن. 
صباح اليوم التالي. 
عامر كان واقف يلبس في غرفته وهو بيبص ل انعكاس صورته في المرايا وعقله وقلبه وتفكيره مشغولين ب آيات. 
ميسرة في غرفة ميرفت كانت بتجهز نفسها عشان