روايه بيت جدتي للكاتب عادل عبدالله

بيت جدتي 
للكاتب عادل عبد الله
الحلقة الاولي 
اخيرا خلصت امتحانات اخر السنة واخدت الاجازة والسنة الجاية هتبقي اخر سنة ليا في الجامعة .
اسمي سليم عندي واحد وعشرين سنة والدي مټوفي وانا اصغر اخواتي وبحب اسافر كتير اوي .واخيرا جت الفرصة .
قررت اني اسافر بلد بابا الله يرحمه عند جدتي واعمامي .
اول ما سافرت وقابلت اعمامي كانوا فرحانين بيا جدا وكانوا بيتسابقوا علي استضافتي عندهم .

قولت لاعمامي وعماتي اني نفسي اشوف جدتي الاول .
جدتي كبيرة اوي في السن عمرها بجاوز المائة سنة .
الكل بيعملها الف حساب وبيحبوها وبيعتبروها بركة العيلة وكبيرتها .
اول ما دخلت عند جدتي كانت مش عارفاني لان نظرها ضعيف اوي .
عمي الكبير عبد الستار قالها سلمي ياحجة علي سليم ابن عبد الرحيم ابنك الله يرحمه .
جدتي قالتلي تعالي يا ولدي يا حبيبي في حضڼي .نزلتلها وحضنتها وبوست راسها وايديها .
قالتلي الله يرحم ابوك كان اطيب واحد في ولادي .وحشتني يا حبيبي وفكرتني بالغالي .
قعدت مع جدتي نتكلم كتير اوي وفي وقت الغدا عمي الكبير ناداني علشان اتغدا معاه .
فعلا اتغديت في بيته معاه ومع مرات عمي وولاد عمي .
وقضيت معاهم ساعات لحد قبل المغرب .عمي عبد الستار قالي هتبيت عندنا النهارده يا ابن اخويا .
قولتله لا يا عمي انا هبات في بيت جدتي .
عمي وولاده ومراته كلهم بصوا لبعض بصة غريبة اوي .مش قدرت افهمها وقتها لكن حسيت ان في شئ غامض .
عمي قالي يا ابني جدتك مفيش حد بيبيت معاها في البيت .
قولتله ليه يا عمي مفيش حد بيبات معاها علي الاقل علشان حد يخلي باله منها بالليل لو تعبت او احتاجت حاجة .
عمي قالي جدتك هي اللي بترفض ان اي حد يبات معاها .
ليه يعني دي حاجة غريبة اوي .اكيد في سر .
يا ابن اخويا مفيش ولا سر ولا حاجه .بلاش تشغل بالك وبات هنا مع ولاد عمك .دا انت مش بتيجي عندنا الا كل كام سنه مرة .
ورغم ان الموضوع ده شغلني وكنت حاسس ان وراه سر عجيب لكني قولت اقضي اليوم مع ولاد عمي وبعدين ابقي اشوف الموضوع ده .
وفعلا في اول ليلة نمت في بيت عمي لكن حصلت حاجة عجيبة اوي قبل ما ننام .
كنت قاعد مع ولاد عمي قدام البيت وقدامنا الزراعة وجنبنا بيت جدتي .
واحنا قاعدين بنتكلم فجأة اتحدف عليا حجر .
بصيت يمين وشمال اشوف مين اللي حدف علينا الحجر مشفتش اي حد .
بسرعة ولاد عمي قالولي يلا بينا ندخل ننام .
قولتلهم ليه ده السهرة حلوة اوي والليل في الجو ده جميل .هو الحجر ده مين اللي حدفه علينا 
قالولي لأ لازم ندخل البيت دلوقتي .
قولتلهم لأ انا عجبني الجو ده اوي ومش هدخل .
ضحكوا و قالولي يلا يا عم ادخل بدل ما الحجر الجاي هييجي في دماغك .
سألتهم تاني مين اللي حدف الحجر بصوا لبعض وضحكوا وقالولي دول بسم الله الرحمن الرحيم .
قولتلهم يعني ايه !! عفاريت يعني 
قالولي هس اسكت .متجبش سيرتهم بدل ما يطلعوه علي عنينا .
ضحكت اوي وقولتلهم ايه الجبن ده !! انتوا خوافين اوي كده ليه !! مفيش حاجة اسمها عفاريت .
ضحكوا وقالولي طيب يا عم الشجاع خليك قاعد انت براحتك ونتراهن انك مش هتكمل ربع ساعه وهتدخل .
وضحكوا ودخلوا وسابوني لوحدي وقالولي مستنيين نشوفك يا عم الشجاع هتعمل اي .
فجأة و بعد ما دخلوا باقل من دقيقة بدأ حدف الطوب والاحجار ورا بعض من كذا اتجاه .
جريت ودخلت بسرعه بيت عمي .واتريقوا عليا وفضلوا يضحكوا اكتر من ساعه لحد ما نمنا .
قبل ما انام سألت محمود ابن عمي هي جدتك ليه مش بتخلي حد يبات معاها في بيتها 
محمود قالي لأ احنا منعرفش السبب .لكن هي من بعد مۏت جدك ومفيش حد بيبات في بيتها .وهقولك علي حاجه علشان تريح نفسك .بلاش تسأل علي حاجة علشان جدتك دي كلها بركة .
صحينا الفجر صلينا ولقيت عمي جابر اللي اصغر من عمي الكبير بيقولي تعالي معايا يا ابن اخويا النهارده انت عندنا .
وفعلا روحت مع عم جابر بيته وفطرت معاه ومع ولاده .
حكيتلهم علي اللي حصل بالليل قدام بيت عمي عبد الستار والاحجار والطوب اللي انحدف علينا .
بصوا لبعض وضحكوا وكأنهم عارفين الموضوع عادي او اني بقولهم علي حاجة عادية متعودين عليها .
قولتلهم احكولي بقه اي حكاية الطوب والحجر اللي اتحدف عليا ده 
قالولي ده تلاقي اصحابنا بيرحبوا بيك .وضحكوا وبصوا لبعض .
اصحكابكم مين 
العفاريت .
مفيش حاجة اسمها عفاريت .
لأ في يا ابن عمي .
لأ ده كلام جهل وحكايات كان الاهالي بيخوفوا بيها اطفالهم علشان يخافوا و مش يبعدوا عن بيوتهم وهما بيلعبوا .
قضيت اليوم مع عمي جابر واولاده وروحت معاهم الغيط
لكن كنت مستني الليل ييجي بفارغ الصبر .
وفي وقت العشا روحت بيت جدتي وقولتلها عاوز اتعشا معاكي يا تيتا .
وفعلا اتعشيت معاها وقعدت اتكلم واهزر معاها وفي الاخر قولتلها اني هنام عندها في البيت .
جدتي فجأة اسلوبها معايا اتغير وقالتلي لا يا حبيبي مفيش حد بيبات هنا .بات عند حد من اعمامك او عماتك .
زعلت من رد جدتي .المهم ان انا عملت نفسي اني همشي واروح عند عمي قولتلها انا ماشي عاوزة حاجه قبل ما اخرج .
قالتلي تسلملي يا ولدي .اقفل الباب كويس وانت خارج .
عملت نفسي خرجت من البيت وعملت صوت لباب البيت .ورجعت استخبيت في اوضة علشان اشوف اي اللي هيحصل .
قفلت الموبايل وفضلت قاعد بدون ولا اي صوت ولا اي حركة وجدتي دلوقتي فاكره انها لوحدها في البيت .
لكن اللي انا شوفته شئ يشييييب .....
انا شوفت جدتي اللي عندها اكتر من ١٠٠ سنه ومش بتتحرك شوفتها بتجري في البيت وبتطلع سلم الدور التاني جري علي فوق وتنزل منه جري ولا كأنها عندها ١٦ سنة !!!!!!!!
انا شعر جسمي كله وقف وجسمي كله اتنفض ........
بيت جدتي 
للكاتب عادل عبد الله
الحلقة الثانية 
قفلت الموبايل وفضلت قاعد بدون ولا اي صوت ولا اي حركة وجدتي دلوقتي فاكره انها لوحدها في البيت .
لكن اللي انا شوفته شئ يشييييب .....
انا شوفت جدتي اللي عندها اكتر من ١٠٠ سنه ومش بتتحرك شوفتها بتجري في البيت وبتطلع سلم الدور التاني جري علي فوق وتنزل منه جري ولا كأنها عندها ١٦ سنة !!!!!!!!
انا شعر جسمي كله وقف وجسمي كله اتنفض .
مش مصدق عنيا .معقول اللي انا شايفه ده حقيقي !!
جدتي كانت بتجري وطلعت الدور التاني وبعدين اختفت .انتظرت كتير انها تنزل لكنها مش نزلت .
خرجت من الاوضة ومشيت بالراحه وطلعت السلم للدور التاني ابص علي جدتي اشوفها بتعمل اي مش شوفتها خالص .
نزلت بالراحه وفتحت باب اوضة جدتي شوفتها نايمة علي السرير .
قفلت الباب بالراحة ودخلت اوضة تانية وقفلت الباب ورايا .
باب الاوضة خبط وجدتي قالتلي من ورا الباب انت قعدت هنا ليه نام يا ولدي ومتفتحش الباب تاني .
جريت فتحت