مهرة

  هدى... انا مش عارفه اشكرك ازاي 
اسر انت ايه اللي مخرج في وقت زي ده ولا انت وهم ما اتفقتوش على الحساب لو كده تعالي وانا اديك اللي انت عايزاه
هدى بټعيط حرام عليك ما تظلمنيش انا كنت نازله اجيب دواء القلب لامي وهم جرو ورايا 
اسر... طب يلا عشان اوصلك 
هدى.....بس انا ما جبتش الدواء
اسر..... طب يلا
وجابوا الدواء ووصلها
اول ما وصلت على البيت سمعت صويت 
هدى امي وطلعت تجري ونسيت الدواء في العربيه 
اسر....ايه ده فاطلع يديها الدواء لقياها قاعده تصوت وماسكه امها وبتعيط عليها لانه امها ماټت والناس حواليها

اسر.... قلبه وجعوا عليها اخذها في حضنه و بيهدئ فيها 
الجيران ....سالوه انت مين يا ابني
اسر...... انا واحد قريبهم
الجيران......بس هم ما لهمش حد من ساعه ما قعدوا هنا وباباها ماټ ما فيش حد بيزورهم
اسر.....لا انا كنت مسافر وجئت 
وهي بټعيط ومش حاسه ولا سامعه حاجه كل اللي هي شايفاه ان مامتها ماټت و اصبحت وحيده وتمت الدفنه
هدى.... وبعد كده انا مش عارفه اشكرك ازاي يا استاذ اسر انا متشكره جدا مش عارفه كنت هتصرف ازاي 
اسر.......لا ابدا وانت هتعملي ايه دلوقت 
هدى.......هدور على شغل واشتغل انا لو كان معي فلوس كنت خليت دواء القلب في البيت على طول كان يمكن ماما ما ماتتش 
اسر.....بصي انا هشغلك في الشركه عندي انت خريجه ايه 
هدى....دبلوم تجاره
اسر...... هاشغلك في الاستعلامات تعالي بكره على العنوان ده ماشي
هدى...... خلاص
ومشي ياسر وقعدت هدى في اوضه مامتها تفتكر كل لحظه معها وټعيط لحد ما نامت وصحيت الصبح وراحت الشركه وفعلا اشتغلت في الاستعلامات
هدى.... تتميز بالبشره البيضاء وعيون خضراء الشعر بني وطويل جدا ودي هتبقى مامت مهره
اسر السيوفي والد مهره شاب بيتميز بلونه الاسمر وعضلاته البارزه
بدات فعلا هدى الشغل ولبست اليونيفورم اللي خلاها جميله جدا لانه رسم قوامها الرائع ولون بشرتها فكان كل اللي يدخل الشركه يعجب بجمالها لحد ما في يوم كان في اجتماع بن شركه اسر مع شركه ثانيه مدير الشركه عجبته هدى وحب يتقدم لها فاسر شافوا واقف مع هدى فحس بالغيره عليها
اسر....... في حاجه ولا ايه الانسه زعلتك في حاجه يا باشا 
ماجد..... بالعكس انسه هدى انسانه رائعه فاتنه الجمال 
هدى......شكرا يا فندم على المجامله دي
ماجد..... انا مش بجامل بس يا ريت تقبلي عزومتي على الغداء مش عايزك تفهميني غلط
هدى..... لا يا فندم ما اقدرش
كل ده قدام عينينا اسر 
مدير الشركه بعد الاجتماع 
ماجد.....فكري وابقى قولي لي على الرد علشان انا فعلا عايز حضرتكي في موضوع مهم عن اذنك
هدى..... اتفضل يا فندم 
اسر.... ممكن اعرف الموضوع اللي انت عايزه فيه 
ماجد.... والله يا ياسر بيه انا معجب بها من فتره ولقيتها انسانه كويسه وعايزا ارتبط بها 
اسر ....لا بس دي مكتوب كتابها 
ماجد.....بس هي مش لابسه دبله
اسر...... لا بس هي مرتبطه بس تلاقي العريس على قد حاله والله
ماجد..... خساره لاني فعلا معجب بها 
اسر.....طب نبدا الاجتماع بقى 
وبعد ما الاجتماع خلص اسر بعث لها تيجي في المكتب 
اسر......هدى تتجوزيني
هدى...... ايه حضرتك عارف انت بتقول ايه انا فين وانت فين 
اسر.....بصي انا فعلا باحبك احنا هنتجوز فتره وبعد كده هاقول لبابا 
هدى.......لا جواز عرفي
اسر..... لا مين قال لك عرفي على سنه الله ورسوله وهنعمل فرح كمان في حتتكو قدام الناس بس ماشي
هدى فرحنه لانها كانت بدات تحبه و بتحسي بالامان وهي معها وفعلا عمللها فرح في وسط جيرانها وقعدها في شقه على النيل وعاشوا في سعاده بس لسه ما قالش لوالدة 
ولفت الايام وهدى حامل وهو كان فرحان لانها هتجيب ثمره حبهم وهدى ولدت مهره اللي جمالها خلي الدكاتره انبهروا بجمالها فعلا مش طبيعي ملائكي
وهدى عايشه بسعاده و مهتمتش يقول لبابا لانه مبقاش فارق معها وبعد خمس سنين شرفت الاخت سهر جميله وحلوه بس مهرا احلى وكل ما بتكبر جمالها بيبان اكثر
بدا ابو اسر يطلب منه انه يتجوز واسر بيرفض فبدا ابوه يخلي حد يراقبه يشوف ايه سبب رفضوا في الجواز وبالفعل اكتشفها انه ابنه متجوز ومخلف
فهدد ابنه انه لو مطلقهاش هيحرمه من الميراث وبدا يضايقه ومشاه من الشركه ويضيق عليه في الفلوس وهو طبعا عشان ابن عز مقدرش يستحمل وطلق هدى وسابها هي والبنات 
هدى.... مطلقنيش حرام عليك هتسبني انا والبنات 
مهره بتبص له بصه فيها عتاب وكره هو نفسه عمره ما هينساها ابدا لانها كان عندها في الوقت ده ست سنين وشايفه مامتها بټعيط ومامتها لمت هدومها ورجعت شقتها القديمه وباعث الشقه واخذت فلوسها تصرف منها لحد ما تلاقي

شغل تربي عيالها منه والفلوس قربت تخلص وهدى بتحاول تلاقي شغل لحد ما لقت شغل في محل ملابس وطبعا جيرانها بدا يبعدوا عنها عشان هي مطلقه وحلوه وكل واحده فيهم خاڤت على جوزها منها
وبعد سنه مهره راجعه من المدرسه لقيت مامتها عيانه وسهر قاعده جنبها مهره جابت الدكتور لمامتها وجابت لها العلاج وعملت لها الاكل وبدات رحله مهره في الكفاح وبتبدا تتحول من بنت الي ولد عشان تقدر تعيش
راحت مهره لعم سعيد الميكانيكي وطلبت منه انها تشتغل عنده 
عم سعيد ....يا بنتي انت بنت ما ينفعش 
مهرة.....والنبي يا عم سعيد شغالين عندك وانا هلبس لبس اولاد يعني ما حدش يعرف ان انا بنت وقعدت ټعيط 
عم سعيد....ماشي يا بنتي تعالي بكره بس البسي لبس اولاد عشان ما حدش يضايقك 
مهرة. شكرا 
مهره...راحت لجارتها وقالت لها انا عايزه لبس من بتاع مصطفى
ام مصطفى... ليه يا مهره
مهرة.... عشان هشتغل و لازم البس لبس اولاد
ام مصطفى ...... يا حبيبتي يا بنتي والله يا بنتي لو بايدي اساعدك مش هاخليك تشتغل بس انت شايفه الحاله عامله ازاي 
مهرة....انتي بتاسعدني اهو
مهره اخذت اللبس و بدات تشتغل واتفقت مع عم سعيد انها هتروح المدرسه و تيجي من المدرسه على الشغل
عم سعيد.....ماشي 
مامت مهره بدا التعب يزيد معها و قلب بحساسيه وحاولت تتصل باسر اللي ما سالش عليها ولا على البنات ولا اهتم راحت لحد الشركه طردها ورجعت للبيت والتعب زاد عليها رجعت مهره من الشغل لقيتها بټعيط
مهرة.... في إيه يا ماما ما لك 
هدى......ما فيش يا حبيبتي 
.مهرة....انتي خرجت ورحت له 
هدى.....لا
مهرة....لا ايه روحت له وطردك 
مهره ...سبتها وراحت على الشركه بتاعه باباها مش راضين يدخلوها جريت وطلعت على المكتب بتاعه فتحت الباب مع زعيق السكرتيره وبيحاولوا يخرجوها
اسر.... قال لها انت مين 
مهره.... انا مهره
اسر..... سكت وقال لي السكرتيره اخرجي قال لها انتي مهره بنتي 
مهره.... لا ما تقولش بنتي انا جايه اقول لك حاجه امي لو جرى لها حاجه مش هيكفيني فيك عمرك
اسر.... هي دي التربيه اللي ربتها لك هدي
مهره... اظن انها هتكون احسن من تربيه بابايك على الاقل