روايه الغاضبه

 

مني إني أروح ليهم القسم بكره علشان يكملوا بقية التحقيقات
والنيابه لسه كمان هتاخد أقوالى
وسبب الوفاه غير معلوم والأغرب كمان إنهم لقوا عم أحمد البواب مېت كمان من 4 أيام بردو في أوضته
وسبب الوفاه غير معلوم مبقتش فاهم ايه اللي بيحصل واختي ماټت ازاي وايه حكايه سمر طبعا وكيل النيابه كان عايز يستجوب ناس كتير منهم الجيران وبواب العماره بس غريبه بواب العماره مش ظاهر وبالفعل قوه من الشرطه راحت العماره عشان تشوفه مكنش موجود وسآلوا الجيران قالوا ده من قبل وهو مختفي

وصلت لدرجه من الجنون ومبقتش فاهم حاجه..
بقيت مستغرب وهتجنن قلت لهم إزاي أنا قربت أتجنن
قلت لهم طب فين سمر قالولي إحنا لسه بنعمل تحريات وأكيد هنوصل ليها إديت ليهم كل معلومه
وكل خيط يقدر يوصلهم لسمر دي..
بعد يومين طلبوني في النيابه بلليل روحت ليهم
لقيت وكيل النيابه بيديني صورة وبيقولي هي دي سمر
إللي كانت شغاله عند أختك صح..
مسكت الصورة وإستغربت قلت له أيوه هي دي فعلا سمر
لقيت وكيل النيابه بيقولي سمر دي مېته مقتوله من سنه
طبعا أنا مبقتش عارف أنطق من الصدممه
بعد ساعه من التحقيق مشيت ووكيل النيابه قالي
تعالي بكره بردو نكمل التحقيق
أنا بقيت مندهش ومش عارف إيه إللي بيحصل ده
وياتري التحقيقات آخرتها إيه ربنا يستر
ركبت عربيتي ومشيت وأنا عمال أفكر في إللي بيحصل ده وفجأه سمعت صوت في الكرسي إللي ورايا بيقولي..
ياتري هترجع البيت تاني وتشوف مراتك 
ضړبت فرمله العربية جامد وبصيت في الإزاز إللي أدامي لقيت سمر قاعده في الكرسي إللي ورايا
منظرها  بشع خۏفت ونزلت من العربيه وبعدت شويه
بس جمعت اعصابي وقولت ارجع العربيه اشوف في ايه
راجع خطوه بخطوه وعيني علي ازاز العربيه الخلفي وقربت من العربيه وفتحت الباب بسرعه مش لاقي اي حاجه ومفيش اي أثر لحد موجود معايا في العربيه قولت اكيد دي تهيؤات. طلعت الموبايل واتصلت علي مراتي اطمن عليها
الو حبيبتي انتي كويسه قالتلي انا بخير الحمدلله العشا جاهز يلا متتاخرش لسه هقولها مش هتاخر السكه قطعت
اتصلت تاني غير متاح اتصلت تالت جرس ومحدش بيرد القلق والتوتر زاد عندي.
ركبت العربيه بتاعتي وجريت بيها بسرعه وانا في السكه بحاول اتصل علي مراتي لحد مافتحت عليا اخيرا قولتلها في ايه قالتلي بصوت واطي انا خاېفه اوي قولتلها في ايه قالتلي حد خبط عالباب بفتح ملقتش حد