حقوق ماريانا بقلم ماريانا

مش فكراه و لو اعرفه فعلي الأقل هو هيفتكرني و يعرفنيبعد ساعة جت شغالة و فهمتني ان شغلي كله هيبقي في الجناح التاني إللي هو الجناح إللي بيقعد فيه خالد و قالتلي إني ببساطة هبقي مسؤولة عن مواعيد أكله و هنبهه بمواعيد الأكل و المرتب كان كبير بالنسبة للشغل التافه ده عرفت بردو إني هنام في واحدة من الأوض إللي في الجناح التاني ..تحديدا الأوضة إللي لازقة في اوضته حرفيا عدت الأيام بعد اليوم ده و كان شغلي عادي جدا و كنت قاعدة مللانة طول الوقت لأن حرفيا مش بطلع من الأوضة غير ٣ مرات كل يوم و بتكلم مع خالد قليل خالص مكنتش بطلع من الأوضة علشان ببساطة الأوضة كانت تحفة بس بمرور الوقت زهقت منها ...بعد أسبوعين قررت إني هطلع و أشوف الشغالين التانيين و أقعد معاهم بدل ما أنا متوحدة في الأوضة لوحدي كده نزلت الدور الأول و بدأت اتجول فيه بتهور لقيت واحدة بتدندن و بتمسح في الترابيزة قربت منها بالراحة و قولت إزيك فجأة لقيتها اتخضت و رجعت لورا و كانت هتصوت من الخضه اتعرفت عليها و كان إسمها سها و هي و لأني معرفش إسمي بدأت تناديني المنبهة علي أساس إني بنبه خالد علي مواعيد الأكل يعني و قعدنا سوا كتير اغلب الوقت و عرفت حاجات كتير عن أصل البيت و خالد و عيلته 
عرفت إن خالد يتيم الأب و الأم و كان عنده عمه بس ماټ الله يرحمه و الغريب ان خالد متجوز و بيقولوا إن مراته كانت شخص لطيف جدا بس هي ماټت في حاډثة علي حسب إللي وصل لهم لأن كل الشغالين القدام اتبدلوا فمحدش يعرف إيه إللي حصل بعدها في الفترة دي بعد شهر سها اتضطرت ترجع بيت أهلها لأنها خلاص هتتجوز و انا رجعت لفترة التوحد بتاعتي تآني و كنت بزعج في خالد كل اما الاقيه فاضي و هو مش بينزعج بالعكس بيضحك ليا بدأت في الفترة دي أقعد مع خالد بقينا نتكلم كتير مع بعض بالرغم من ان كلامنا سطحي كان دايما بيبتسم ليا قبل ما يروح الشغل بتاعه سها كانت بتقولي أنه مش بيضحك و لا بيبتسم خالص بس هو قدامي بيضحك عادي أهو و ضحكته زي العسل مر شهرين علي حالتي أنا و خالد و ان إحنا بنتكلم كلام سطحي لحد ما حسيت إني بحبه كنت اټجننت يومها تقريبا كنت متعودة أسرح و انا ببص ليه دايما و هو بيتكلم و يجي هو بيفوقني كالعادة بالكلمتين بتوعه 
ايه متنحة ليهلا تكوني اتدلقتي ليا و وقعتي في حبي 
لأول مره اخليني سرحانة بعد كلامه

ده لأني كنت دايما بفوق من سرحاني و اتوتر و ارفض الفكرة المرة دي رديت و انا سرحانة
أيوة 
لقيته فجأة بطل يضغط علي كيبورد اللاب إللي بيعمل عليه الشغل إللي في أيده و رفع رأسه و بص ليا پصدمة بعد ثواني إستوعبت أنا قولت إيه و كنت لسه هبرر موقفي لقيته فجأة ساب اللاب مفتوح و مشي...طب و شغلك
قعدنا أسبوع منشوفش بعض بعد الموقف دا كل إما أروح انبهه علي مواعيد الأكل ميبقاش موجود و كان اغلب الوقت برا البيت طبيعي صراحة بعد العبط إللي قولته دا 
في مرة كنت في نص الليل قلبي اتخض فجأة و شفت كابوس وحش و قمت اشرب ماية و أول ما فتحت باب اوضتي حسيت بصوت حاجة غريبة في أوضة خالد خفت و فكرته حرامي!
لأن حرفيا مافيش أي حد من الخدم بيبقي موجود في البيت في الوقت دا و خالد هادي بطبعه و مش بيعمل دوشة خالص
كنت متوترة بس قربت من الباب و فتحته بالراحة ..لقيته خالد كنت لسه هتنهد تنهيدة راحة لولا إني لقيته قاعد في زاوية علي الأرض و بيعيط!
فتحت الباب و دخلت جري عليه بخضة
خالد ..إنت كويس!
لقيته رفع رأسه ليا و زاد بكاءه آكتر و آكتر 
مكنتش فاهمة هو بيعيط ليه..بس قعدت اهديه طبطبت عليه و بدأت اواسيه بهدوء بعد فترة هدي و بطل عياط و انا حسيت إنه هينحرج